..........വിഷം...........
ബാലേട്ടന്‍ പാവമായിരുന്നു, വിഷവൈദ്യവും
വിഷചികിത്സയും പാരമ്പര്യമായി കിട്ടിയതാണ്.
ബാലേട്ടന്റെ ധര്‍മപത്നി സുമതിചേച്ചിക്ക്‌ പക്ഷെ
ഇതിലൊന്നും താത്പര്യം ഇല്ല-ട്ടോ .
ഏതൊരു ഉഗ്രവിഷവും ഊതി ഇറക്കുന്ന ഒരു പച്ചമരുന്നിന്റ
കൂട്ടും അറിയാം.
നാനാ ദിക്കില്‍ നിന്നും എത്ര എത്ര ആളുകള്‍ വിഷം തീണ്ടി
വരുമെന്നറിയാമോ ?
ഇത് വരെ ഒരു കൈപ്പിഴയും പറ്റാതെ എല്ലാവരെയും
രക്ഷപ്പെടുത്തി എന്നതും പെരുമയാണ് .
അന്നൊരു വെള്ളിയാഴ്ച ആയിരുനനു,
സന്ധ്യസമയം,കാവിലെ ആല്‍ത്തറയില്‍ ബാലേട്ടന്‍ ഒന്ന്
മയങ്ങി.
വടക്കേതിലെ ഉണ്ണിക്കുട്ടന്‍ ഓടി വന്നു തട്ടി വിളിച്ചു "ബാലേട്ട
ബാലേട്ട ഓടിവാ വിഷം തീണ്ടീ... ഓടിവാ".....
നിങ്ങടെ സുമതിചേച്ചിയെ പച്ചക്കുളത്തിന്റെ അടുത്ത് വെച്ച്
ഏതോ ഉഗ്രന്‍ തീണ്ടി - നല്ലവനാണ് ...
കേട്ടത് പാതി കേള്‍ക്കാത്ത പാതി ബാലേട്ടന്‍ എണീറ്റ്‌
വീട്ടിലേക്കു ഓടി ഉണ്ണിക്കുട്ടന്‍ പിന്നാലെ.
സുമതി ചേച്ചിയുടെ നാടി നോക്കി ബാലേട്ടന്‍ അകത്തേക്ക്
പോയി ഒന്ന് കാര്യമായി ആലോചിച്ചു ....
അന്നാദ്യമായി ബാലേട്ടന്‍ എല്ലാ ധാര്‍മികമായ
ന്യായപ്രമാണവും നീതിശാസ്ത്രവും കാറ്റില്‍ പറത്തി ....
മനപ്പൂര്‍വം - പച്ചമരുന്നിന്റെ കൂട്ട് തെറ്റിച്ചു......
മനപ്പൂര്‍വം - ഊതിയിറക്കുന്ന മന്ത്രം തെറ്റിച്ചു....
ബാലേട്ടന്റെ നെടുവീര്‍പ്പിലെ ആശ്വാസം ആരും
അറിഞ്ഞില്ല
.....ഇന്നും ആര്‍ക്കും അതറിയാന്‍ കഴിഞ്ഞിട്ടില്ല.........
No comments:
Post a Comment